SHPËRNDAJE

Kastriot , më vjen shumë keq që po t’a them këtë , por ti duhet t’a dish në të vërtet se çka i kanë bërë këtij kombi gjatë këtyre shekujve . E kanë ndarë Shqipërinë në copëza të vogla dhe këto toka , i’a kanë dhënë armiqëve tanë , të cilët kanë qenë mjaft lakmitarë , për t’i marr këto toka , të mbushura me gjakë shqiptarësh .

Në historinë tonë është shënuar një e vërtet e hidhur , që nuk duhej të ndodhte dhe nuk ishte e drejtë , që të ndodhë . Një e vërtet shqiptare , e cila rezulton me tkurrjen e madhe të Shqipërisë etnike nga viti 1878 deri në vitin 1913 . Nuk e di nëna se ku i ka humbur fëmijët e tyre , kanë humbur në shtëpitë e huaja për shumë vjet dhe nuk po mund të dalin dot , nga ato shtëpi .
Sa do të doja të kthehesha mbrapa në kohë dhe t’i hiqja ato gabime historike , ato gabime të tmerrshme , që i kishin lënë Fuqitë e mëdha në hartën etnike . Gabime të tmerrshme dhe të pamoralshme për shqiptarët . Cili është tash gabimi ynë , që ne jemi katandisur kështu ? Edhe ne meritojmë të bashkohemi o njerëz .
Gjatë 5 shekujve , ne kemi luftuar me gjithë zemër për kombin vetëm e vetëm , që t’i bashkojmë dhe t’a pavarsojmë Shqipërinë , gjë e cila ndodhi më 28 nëntor të vitit 1912 . Dhe menjëherë pas pavarësisë , Evropa na e shpërbleu këtë siç është më së miri ! Na e copëtoi kombin tonë në pjesë të mëdha , dhe këto pjesë , i vendosi në treg për t’i shitur .
Dhe sigurisht këto toka , i morën shtetet tona armike-sllave : Serbia , Greqia dhe Mali i Zi ose klyshët e Rusisë . Na e morën o shqiptar , Kosovën , Çamërinë , Ulqinin dhe bukuritë tona më të mira , që i kemi pasur ndonjëherë . Që sot janë , në pronën e dikujt tjetër !
Ata , që vdiqën për lirinë tonë , do të turpëroheshin me këto ndodhi , që po bëhen në trojet tona .Fqinjët edhe sot po na godasin , dhe qeveria dhe politika jonë sahan-lëpirëse , po i fal tokën tonë . Unë mund t’i them këtyre vetëm : Haram ju qoftë buka dhe qumështi i nënës o të pabesë dhe tradhëtarë . Turp ju qoftë !
O shqiptar , aq shumë dua t’i mallkojë këta , që na e mjelën dhe vazhdojnë t’a mjelin popullin tonë . Por përsëri , populli është fajtori kryesor , që në krye të udhëheqësisë , janë tradhëtarët e sotëm . Ata na mashtrojnë me fjalë dhe ne , si budallenjë i besojmë fjalëve të tyre .
“Një popull që zgjedh në krye të vendit njerëz të korruptuar , hajdutë , maskarenjë dhe tradhëtarë , nuk është viktimë ! Por është bashkëpunëtorë i tyre !” – George Orwell
Kjo është ndoshta edhe thënia më e mirë , që na karakterizon ne si një komb edhe si një popull . Sepse si një komb ne kemi një karakter të lartë trimëror dhe të gjithë na kanë zili , por edhe dëshirojnë të bëhen si ne ! Por nuk e dëshirojnë që , t’a përjetojnë atë çka kemi përjetuar populli ynë .
Një histori , që në ditët e sotme , po t’a harrojmë vetëm pak , do të shohim se mund të na vret dhe mund të na shkaktojë plagë të mëdha . Këto dhimbje shkaktohen nga vetvetja jonë , sepse jemi duke e lënë në harresë historinë , që s’bënë në asnjë mënyrë t’a harrojmë . Betohem se do të na dënoj zoti i madh po e harruam këtë histori , e cila është e shkruar me gjakun e dëshmorëve tanë .
I lutem popullit tonë , që të mos e harrojmë atë çka ka qenë e jona , por nuk është tani . Ata nuk do të mund t’a fshehin atë , që është në pronësi të tyre ! Por në mendje , nuk ka qenë kurrë e tyre . As kurrë nuk do të jetë ndonjëherë !
Brilant Gashi

LEAVE A REPLY

Please enter your comment!
Please enter your name here